مدام حبيبة والرد على استفسارت الفرد

ما شاء الله شغلك حلو اوى يا جميل تسلم ايدك

 

بصى يا قمر
انا بفرد شعرى بقالى سنتين بالفرد الاحمر
الاول كانت خبيرة بتيجى تعملهولى و كان تمام مش بيقع منه حاجة و فعلا كان ممتاز
وهيا اللى قالتلى ان الازرق مش هيفرد شعرى قوى وبقت تحطلى الاحمر وتخففه بنسبة من التريتمنت
بعد كده سافرت السعودية فاشتريت المنتجات و بقيت بعمل الجذور لنفسى
اول مرة خففته بنسبة من التريتمنت زى ما هيا قالت متفردش كويس و فضل كتير جدا من الجذور مكسر
فبقيت افرده بالمنتج على طول
بس بقى بيتقطع
وبيقع شوية
مش زى لما هيا كانت بتفردلى
وبرضه مش بيتفرد كويس
بيفضل فيه خصل من جوه مكسرة
اخر مرة عملت كل الخطوات الاولى لحد ما وصلت لخطوة السيشوار والبيبى ليس و نزلت لكوافيرة تعملهولى عشان اضمن ان كل الشعر اتكوى كويس لان مبكونش مالكة الشعر اللى جوا و دراعى بيوجعنى مش بقدر اكويه كتير بالبيبى ليس ، قلت يمكن يكون ده السبب ولما اروح لكوافيرة تكويه هيتفرد كويس
بس برضه طلع فيه شعر مكسر من جوه لان الكوافيرة استعجلت وبقت تاخد خصل كبيرة وهيابتكوى عشان عندها زحمة فبرضه طلع مش مفرود كويس

دلوقتى انا مصبغتوش من سنة ، بس شعرى ضعيف شوية و خشن زى شعر البنات اللى انتى حاطاه
وعندى المنتج الاحمر

وانا فى السعودية معنديش حل غير اى افرد لنفسى

اعمل ايه عشان ميوقعش لما افرده واعمل ايه عشان يتفرد كويس و ميطلعليش الخصل المكسرة

ولو حبيت اصبغه يبقى بعد الفرد ولا قبله

 

و هل ممكن اغسله و اخصل الخطوات الاولى من بليل و اقوم الصبح احط فيز ون على طول عشان اوفر وقت